Isomo rya 12: Gutera Ishwagara Mu Murima Wa Kawa
Amashusho
Iyi ngingo igaragaza akamaro ko gutera ishwagara mu butaka bw’ikawa kugira ngo bugume bufite ubuzima bwiza kandi butange umusaruro mwiza. Ishwagara ni isoko karemano ya calcium, intungagihingwa ifasha gukomeza imiterere y’igihingwa no gufasha igiti gukuramo neza intungamubiri ziri mu butaka. Iyo ishwagara ikoreshejwe neza, igabanya ubukare bw’ubutaka, ikanongerera ubutaka uburumbuke, bigafasha imizi gukomera, ibiti by’ikawa gukura neza, n’umusaruro kwiyongera.
Kugira ngo ishwagara ikoreshwe neza, shyira hafi garama 200 ku butaka bukikije buri giti cy’ikawa, uyisatire ku buryo bungana, hanyuma uyitwikirize ibishingwe kugira ngo irindwe kandi irusheho gukora neza. Igihe cyiza cyo kuyitera ni mu gihe cy’izuba, cyane cyane hagati ya Mutarama na Gashyantare cyangwa hagati ya Nyakanga na Kanama. Irinde kuyitera mu gihe cy’imvura nyinshi, kuko ishobora gutwarwa n’amazi.
Kubera ko ishwagara iterwa rimwe gusa mu mwaka, kuyitera mu gihe gikwiye bituma ubutaka n’ikawa bigira ubuzima bwiza.
Amajwi
Ingingo 1: Intangiriro
Iyi ngingo igaragaza ishwagara nk’isoko ya calcium ifasha kongera uburumbuke bw’ubuta...
Ingingo 2: Igihe n'uburyo bwo gutera ihswagara
Iyi ngingo isobanura uburyo bukwiye bwo gutera ishwagara, igihe cyo gutera buri mwaka, n’ub...
